ОРОН НУТГИЙН СТАТИСТИК ХАРИУСАН АЖИЛТНУУДЫГ ЧАДАВХИЖУУЛАХ СУРГАЛТ ЗОХИОН БАЙГУУЛЛАА.

Нийтэлсэн: 2019 он 10 сар 24. 08 цаг 16 минут
Аймгийн 2019 оны эдийн засаг, нийгмийг хөгжүүлэх үндсэн чиглэлийн хэрэгжилт, Хүн ам, орон сууцны 2020 оны бэлтгэл ажлыг хангах зорилгоор Сумдын Статистик хариуцсан мэргэжилтнүүд, Багийн Засаг дарга нарыг чадавхижуулах сургалтыг ХХҮГ, ТА-3 Төслийн дэмжлэгтэйгээр Аймгийн ЗДТГ-ын ТЗУХ, Статистикийн хэлтэс хамтран 2019 оны 10 сарын 22, 23-нд зохион байгуулж байна. Сургалтыг Засаг даргын орлогч Ж.Мөнхчулуун нээж, ЗДТГ-ын дарга Ц.Эрдэнэсүрэн болон Хэлтэс, Агентлагийн удирдлагууд хөтөлбөрийн дагуу илтгэл тавьж, мэдээлэл хийлээ.
Дэлгэрэнгүй

2019 оны 9 сарын аймгийн нийгэм эдийн засгийн танилцуулга хэвлэгдэн гарлаа.

Нийтэлсэн: 2019 он 10 сар 12. 03 цаг 32 минут
ХХҮГазрын 2019 оны 9 сарын мэдээгээр нийт 441 хүн ажлын байранд зуучлагдсан нь өмнөх оны мөн үеэс 167 хүнээр өссөн байна. Ажлын байранд зуучлагдсан иргэдийг эдийн засгийн үйл ажиллагааны салбараар авч үзэхэд уул уурхайн салбарт 20.2 хувь, хөдөө аж ахуйн салбарт 14.5 хувь, удирдлагын болон дэмжлэг үзүүлэх үйл ажиллагааны салбарт 23.1 хувь, боловсролын салбарт 7.0 хувь, бөөний болон жижиглэн худалдааны салбарт 0.9 хувь, цахилгаан эрчим хүчний салбарт 0.9 хувь, урлаг үзвэр тоглоомын салбарт 2.7 хувь, үйлчилгээний бусад салбарт 16.8 хувь, хүний эрүүл мэнд нийгмийн халамжийн үйл ажиллагааны салбарт 4.1 хувь зуучлагдсан байна. Ажлын байранд зуучлагдсан иргэдийн 184 нь буюу 41.7 хувь нь эмэгтэйчүүд байна.
Дэлгэрэнгүй

ИНФОГРАФИК УРАЛДААНЫ ДҮН ГАРЛАА

Нийтэлсэн: 2019 он 10 сар 11. 08 цаг 28 минут
Иргэн төвтэй төрийн үйлчилгээний жилийн ажлын хүрээнд төрийн байгууллагуудын үйл ажиллагааг иргэдэд ойлгомжтой хүргэх зорилгоор Төрийн байгууллагуудын дунд зохион байгуулсан ИНФОГРАФИК бэлтгэх уралдаанд идэвхтэй оролцсон Төрийн аудитын газар, Монгол банк, Байгаль орчин, аялал жуулчлалын газар, Хөдөлмөр, халамж үйлчилгээний газар, Эрүүл мэндийн газар, Орон нутгийн өмчийн газар, Ус, цаг уур, орчны шинжилгээний газар, Сайнцагаан сумын Иргэдийн төлөөлөгчдийн хурал зэрэг бүх байгууллагад талархаснаа илэрхийлье! ИНФОГРАФИК-н уралдаанд нийт 8 байгууллагын 12 инфографик, 1 шторк ирүүлснээс 1-р байранд Монгол банк, 2-р байранд Сайнцагаан сумын Иргэдийн төлөөлөгчдийн хурал, 3-р байранд Байгаль орчин, аялал жуулчлалын газар шалгарлаа. Та бүхэндээ ажлын амжилт хүсье!
Дэлгэрэнгүй

БАЙШИН, ОРОН СУУЦНЫ ТООЛЛОГО ЭХЭЛЛЭЭ

Нийтэлсэн: 2019 он 09 сар 24. 09 цаг 06 минут
АЙМАГТ БАЙШИН, ОРОН СУУЦНЫ ТООЛЛОГО ӨНӨӨДРӨӨС ЭХЭЛЛЭЭ. Өнөөдөр буюу 2019 оны 09-р сарын 24ний өдрөөс эхлэн Дундговь аймагт байшин орон сууцны тооллогын ажил эхэллээ. Уг тооллогод багийн Засаг дарга, сумын төрийн сангийн мэргэжилтэн, 21 тоологч, 2 шалгагч, зэрэг 120 гаруй хүн ажиллаж байна. Тооллогыг өрх бүрээр нэг бүрчлэн орж орон сууцны асуулгыг бөглөх юм.
Дэлгэрэнгүй

АЙМГИЙН ТООЛЛОГЫН КОМИСС ХУРАЛДЛАА

Нийтэлсэн: 2019 он 09 сар 24. 08 цаг 55 минут
БАЙШИН ОРОН СУУЦНЫ ТООЛЛОГЫН ТАЛААРХ МЭДЭЭЛЛИЙГ АЙМАГ, СУМЫН КОМИССЫН ДАРГА, ГИШҮҮДЭД ХҮРГЭЛЭЭ. 2020 оны ХАОСТ-ын Аймгийн комиссын дарга, гишүүд, 15 сумын комиссын дарга, гишүүд нийт 32 хүнд Байшин, орон сууцны тооллогын талаар сургалт хийж, зохион байгуулалт, анхаарах асуудлуудын талаар Статистикийн хэлтсээс мэдээлэл өглөө. Аймгийн Засаг дарга бөгөөд ХАОСТ-ын комиссын дарга О.Бат-Эрдэнэ "Улсын хэмжээний тооллогоор сумдын комисс зохион байгуулалттай, идэвхитэй, хариуцлагатай ажиллахыг үүрэг болголоо". Мөн Статистикийн хэлтсийн Хүн ам хариуцсан мэргэжилтэн С.Доржханд Сумдын Статистик хариуцсан мэргэжилтнүүдэд хандан ХАӨМС-ийн баяжуулалт, БОСТ-ын урьдчилсан бүртгэлд анхаарах асуудлууд болон сайжруулах зүйлүүдийн талаар мэдээлэл хийлээ.
Дэлгэрэнгүй

Байшин орон сууцны тооллогын сургалт боллоо

Нийтэлсэн: 2019 он 09 сар 17. 08 цаг 27 минут
Байшин, орон сууцны тооллогын удирдлага зохион байгуулалт, ойлголт үзүүлэлт, программын ажиллагааны талаарх сургалтуудыг 9 дүгээр сарын 14 - 16-ны өдрүүдэд Дундговь аймагт зохион байгуулж байна. Сургалтыг Дундговь аймгийн Засаг даргын орлогч Ж.Мөнхчулуун, Үндэсний статистикийн хорооны Мэдээлэл технологийн газрын дарга Л.Мягмарсүрэн нар нээн үг хэлж, ҮСХ-ны МТГ-ын референт Г.Жаргал, ХАОСТТовчооны статистикч И.Цэрэндулам, Р.Батхишиг, Э.Билгүүн нар хичээлийг зааж, Дундговь аймгийн Статистикийн хэлтсийн хамт олон зохион байгуулан, Говийн бүсийн Өмнөговь, Дорноговь, Дундговь, Говьсүмбэр аймгуудын Статистикийн хэлтсийн хамт олон нийт, Сайнцагаан суманд ажиллах тоологч нар нийт 39 хүн оролцлоо.
Дэлгэрэнгүй

САМБАР БАЙРШУУЛЛАА

Нийтэлсэн: 2019 он 09 сар 12. 03 цаг 46 минут
Байшин орон сууцны тооллого, Хүн ам, өрхийн мэдээллийн шинэчилсэн бүртгэл, Хүн ам орон сууцны улсын тооллогын хүрээнд аймгийн төв зам дагуу 3x6 хэмжээтэй самбарыг байршуулж иргэн бүрийг хуулиар хүлээсэн үүргээ биелүүлж тооллого судалгаандаа идэвхитэй хамрагдахыг уриаллаа.
Дэлгэрэнгүй

Аймгийн нийгэм, эдийн засгийн байдал (2019 оны 8 сарын байдлаар)

Нийтэлсэн: 2019 он 09 сар 12. 03 цаг 46 минут
I.Төсвийн орлого Санхүү, төрийн сангийн хэлтсийн мэдээгээр 2019 оны 8 сарын байдлаар орон нутгийн төсвийн орлогын төлөвлөгөөний биелэлт 106.2 хувьтай буюу 4704.2 сая төгрөгийн гүйцэтгэлтэй байна. Үүнээс гадна улсын төвлөрсөн төсөвт оруулбал зохих орлогын төлөвлөгөө 125.6 хувьтай буюу 1364.6 сая төгрөгийн орлогыг улсын төвлөрсөн төсөвт оруулаад байна. Улсын болон орон нутгийн төсөвт нийт дүнгээр 6068.8 сая төгрөгийн орлого оруулж, аймгийн дүнгээр орлогын төлөвлөгөөний биелэлт 110.0 хувьтай байна.
Дэлгэрэнгүй

 ХҮНСНИЙ ГОЛ НЭРИЙН БАРААНЫ ҮНЭ

2019.12.25-ны байдлаар  / төгрөг /

Гурил, I  зэрэг,             кг 1300
Хонины мах,               кг 7000
Үхрийн мах,                 кг 0
Ямааны ястай мах     кг

6000

Элсэн чихэр,                кг 1960
Цагаан будаа,             кг

2310

Шингэн сүү,                 л 3500
Ноолуурын үнэ            кг 65000
Бензин, А-80,              литр 1810
Бензин, А-92,              литр 1920
Дизелийн түлш,          литр 2490


        ЭНД ДАРНА УУ