“Олон улсын Статистикийн зурагт хуудас”-ны уралдаанд урьж байна.

Нийтэлсэн: 2020 он 10 сар 22. 02 цаг 57 минут
Олон улсын статистикийн институтийн Олон улсын Статистикийн боловсролыг дэмжих төслөөс статистикийн хэрэглээг сайжруулах, оюутан сурагчдын чадварыг хөгжүүлэх зорилгоор 2 жил тутамд “Олон улсын Статистикийн зурагт хуудас”-ны уралдаан зохион байгуулж байна.
Дэлгэрэнгүй

Дэлхийн Статистикийн өдрийг тохиолдуулан ЕБС-н ахлах ангийн сурагчдад "Статистикийн боловсрол" хичээл заалаа.

Нийтэлсэн: 2020 он 10 сар 21. 02 цаг 50 минут
Дэлхийн Статистикийн өдрийг тохиолдуулан Ерөнхий боловсролын Эрдмийн далай болон Мандал цогцолбор сургуулиудын ахлах ангийн сурагчдад "Статистикийн боловсрол" цахим хичээл болон бусад сонирхолтой Статистик мэдээ, мэдээллийг өгч, брошур нугалбар тараалаа. Мөн сургалтанд хамрагдсан сурагчдын дунд асуулт хариултын тэмцээн зохион байгуулж, амжилттай оролцсон сурагчдад гарын бэлэг гардууллаа.
Дэлгэрэнгүй

“Дэлхийн статистикийн өдөр”-ийг тохиолдуулан явган аялал хийлээ.

Нийтэлсэн: 2020 он 10 сар 21. 02 цаг 41 минут
“Дэлхийн статистикийн өдөр”-ийг тохиолдуулан дэлхийд эртний сүг зургаараа алдартай Дундговь аймгийн Өлзийт сумын нутагт орших Дэл ууланд ЭКО-ЯВГАН АЯЛАЛ-ыг зохион байгууллаа. Явган аялал 10 орчим км замыг туулсан бөгөөд Дэл уулын хувьд Монгол орны түүхийн дурсгалыг агуулсан, баруунаас зүүн тийш 17 км, хойноосоо урагш 8 км орчим сүг зураг агуулсан хадан цохионууд бүхий уул юм. Эндээс археологичид 3,000 орчим хадны сүг зураг, Эртний хүмүүсийн оромж бүхий хавтгай чулуун хашлага, 20 орчим дөрвөлжин булш, Руни бичгийн дөрвөн дурсгал, Тан улсын үед холбогдох Монгол болон Хятад бичээс зэргийг нээн илрүүлсэн байна.
Дэлгэрэнгүй

Хөдөө аж ахуйн түүвэр судалгааны хяналтаар зарим сумдад ажиллалаа.

Нийтэлсэн: 2020 он 10 сар 16. 02 цаг 27 минут
Хөдөө аж ахуйн түүвэр судалгаа болон Хүн ам өрхийн мэдээллийн сангийн баяжилтын хяналтаар Дэлгэрцогт, Луус, Хулд, Гурвансайхан сумдад ажиллалаа. ХААТС-нд тус аймгийн 8 сумын 15 багийн 200 өрх сонгогдсон юм.
Дэлгэрэнгүй

Дэлхийн статистикийн өдрийг 2020 оны 10 дугаар сарын 20-нд "НАЙДВАРТАЙ ТОО, МЭДЭЭЛЛЭЭР ЭХ ДЭЛХИЙГЭЭ ХОЛБОЕ" уриатай тэмдэглэнэ.

Нийтэлсэн: 2020 он 10 сар 16. 02 цаг 22 минут
Тогтвортой хөгжлийн зорилтыг хэрэгжүүлэх, дэлхий нийтийг хамарсан цар тахлын эсрэг хариу арга хэмжээ авахад албан ёсны статистикийн ач холбогдол, үүрэг нь урьд өмнө хэзээ ч байгаагүйгээр чухал болж байгаа энэ үед Дэлхийн статистикийн өдрийг тэмдэглэх гэж байна. Дэлхийн статистикийн өдрийг НҮБ-ын Ерөнхий Ассемблейн 2010 оны 64/267 тоот тогтоолын дагуу анх 2010 оны 10 сарын 20-ны өдөр тэмдэглэж, 130 гаруй гишүүн улс, 40 орчим олон улсын болон бүс нутгийн байгууллага, аж ахуйн нэгжүүд идэвхтэй оролцож, олон төрлийн үйл ажиллагааг амжилттай зохион байгуулжээ. НҮБ-ын Ерөнхий Ассемблей 2015 оны 6-р сард 69/282 тоот тогтоол гаргаж, Дэлхийн статистикийн өдрийг 5 жил тутамд 10 дугаар сарын 20-нд тэмдэглэж байхаар шийдвэрлэсэн. Дэлхийн статистикийн хоёр дахь өдрийг 2015 оны аравдугаар сарын 20-нд 130 гаруй улс оронд "САЙН МЭДЭЭЛЭЛ, САЙХАН АМЬДРАЛ" уриатай тэмдэглэжээ. Өгөгдөл улам их чухал үүрэг гүйцэтгэдэг болсон энэ эрин үед бидний гаргаж буй тогтвортой эх үүсвэр бүхий найдвартай өгөгдөл нь ертөнцийг холбох үндэс суурь болдог. НҮБ-ын Статистикийн комиссын 51 дүгээр хуралдаанаар Дэлхийн статистикийн гурав дахь өдрийг 2020 оны 10 дугаар сарын 20-нд "НАЙДВАРТАЙ ТОО, МЭДЭЭЛЛЭЭР ЭХ ДЭЛХИЙГЭЭ ХОЛБОЕ" уриатай тэмдэглэхээр зарласан юм.
Дэлгэрэнгүй

Аймгийн нийгэм, эдийн засгийн 2020 оны 3-р улирлын танилцуулга хэвлэгдэн гарлаа.

Нийтэлсэн: 2020 он 10 сар 14. 03 цаг 49 минут
Аймгийн нийгэм, эдийн засгийн байдал (2020 оны 9-р сарын байдлаар) Нийгмийн үзүүлэлт I. Ажлын байрны зуучлал ХХҮГазрын 2020 оны 9 сарын мэдээгээр нийт 454 хүн ажлын байранд зуучлагдсан нь өмнөх оны мөн үеэс 13 хүнээр өссөн байна. Ажлын байранд зуучлагдсан иргэдийг эдийн засгийн үйл ажиллагааны салбараар авч үзэхэд ХАА, ан агнуур, ойн аж ахуйн салбарт 9.3 хувь, боловсруулах үйлдвэрт 3.5 хувь, цахилгаан эрчим хүч, хий, уур агааржуулалт 0.2 хувь, удирдлагын болон дэмжлэг үзүүлэх үйл ажиллагааны салбарт 4.2 хувь, боловсролын салбарт 6.2 хувь, үйлчилгээний бусад салбарт 44.3 хувь, хүний эрүүл мэнд нийгмийн халамжийн үйл ажиллагааны салбарт 4.2 хувь, төрийн удирдлага ба батлах хамгаалах үйл ажиллагааны салбарт 9.5 хувь, тээвэр ба агуулахын үйл ажиллагааны салбарт 1.3 хувь, урлаг, үзвэр, тоглоом наадмын салбарт 2.2 хувь, санхүү болон даатгалын үйл ажиллагааны салбарт 2.0 хувь, бөөний ба жижиглэнгийн худалдааны салбарт 2.9 хувь нь зуучлагдсан байна. Ажлын байранд зуучлагдсан иргэдийн 253 нь буюу 55.7 хувь нь эмэгтэйчүүд байна. II.Бүртгэлтэй ажилгүйчүүд 2020 оны 9 сарын байдлаар аймгийн Хөдөлмөр халамж үйлчилгээний газарт бүртгэлтэй, ажил хайж байгаа 386 хүн бүртгэгдсэн нь өмнөх сартай харьцуулахад 40.8 хувиар өссөн байна. Нийт ажилгүйчүүдийн 48.9 хувь буюу 189 хүн нь эмэгтэйчүүд байна. Аймгийн хэмжээнд хөдөлмөрийн насны 10000 хүнд 119 ажил хайгч иргэн ногдож байхад Дэрэн 312, Говь-Угтаал 226, Дэлгэрхангай 183, Гурвансайхан 147, Өндөршил 312, Цагаандэлгэр 249, Баянжаргалан 233, Хулд 230 байгаа нь аймгийн дунджаас дээгүүр байна.
Дэлгэрэнгүй

ТОГЛООМЫН ТАЛБАЙ ТОХИЖУУЛЛАА.

Нийтэлсэн: 2020 он 10 сар 10. 12 цаг 06 минут
"ИРГЭДИЙН АЖИЛЛАЖ, АМЬДРАХ ОРЧИН НӨХЦӨЛИЙГ САЙЖРУУЛАХ" жилийн ажлын хүрээнд “Эрдмийн далай цогцолбор” сургуулийн тоглоомын талбайг засаж, сэлбэн тохижууллаа.
Дэлгэрэнгүй

ДЭЛХИЙН СТАТИСТИКИЙН ӨДӨРТ ЗОРИУЛАН МОД ТАРЬЛАА

Нийтэлсэн: 2020 он 10 сар 10. 12 цаг 04 минут
Байгаль эх дэлхийн дулаарал, цөлжилтийн эсрэг Монгол Улсын Ерөнхийлөгчийн 2010 оны 63 дугаар зарлигийн хэрэгжилтийг хангах ажлын хүрээнд намрын "Бүх нийтээр мод тарих өдөр" болон дэлхийн Статистикийн өдөрт зориулан мод тарьлаа
Дэлгэрэнгүй

 

 ХҮНСНИЙ ГОЛ НЭРИЙН БАРААНЫ ҮНЭ

2020.10.21-ны байдлаар  / төгрөг /

Гурил, I  зэрэг,             кг 1530
Хонины мах,               кг 6000
Үхрийн мах,                 кг 0
Ямааны ястай мах     кг

5000

Элсэн чихэр,                кг 2000
Цагаан будаа,             кг

2530

Шингэн сүү,                 л 3000

Ноолуурын үнэ

/цагаан/                        кг

50000

Ноолуурын үнэ      

/бор/                              кг

50000
Бензин, А-80,              литр 1470
Бензин, А-92,              литр 1520
Дизелийн түлш,          литр 2130
Боодолтой өвс        боодол 13000

            



        ЭНД ДАРНА УУ